بقلبي كدر // الشاعرة نسمة يوسف

موجوع وبقلبي كدر
 من الوجع قلبي انفطر
 شو تبدّلو هالناس
 ما عاد في إحساس
 ولا تجمعن ليلة سهر
 ولا تلمهن جمعة إنس
 ما عاد حن العود تا يغازل وتر
 ما عاد مطرح للدفا..  ما لو مكان
   والبرد غل بروحنا وفيها استكان

 زاد الوجع ومخنّقه الأنفاس
 شو صار بهالناس....  غربه ووجع وهموم
 وصار الضمير بالدني معدوم
 والناس صارو بعاد...  ما عاد تجمعهن بقا الاعياد
 صرنا متل اغراب وما عاد نحسب للمحبه حساب
منوقف  ومننحني للمال
مهما كان صاحبه بلااخلاق  واللي معن منمشي معن.... ما هم لو كانو من الاندال
  ونعدمت الاخلاق...  وعليو ال بلا اخلاق
 وينو الضمير ال يرفع الإنسان
  ما عاد في محبه ولا احسان
 وصار ببخس ينباع هالوجدان
 وحدي غريبه بلوعة الحرمان...  وبدمعة الأحزان..
يا للاسف شو صار بالانسان

...نسمة يوسف ...