أمانة ياحب تجيني... بقلم الشاعر ياسر عياد

أمانة يا حب تجيني
------------------------
خـايف يا حب لـهـوايا
ليكون قلبك مش معايا
خـايف يا حب لتنساني
ويتولد الـحـزن جوايا

أمانه يا حب تصارحني
تشتاق لقلبي وجبيني
وترضي قلبي وتجيني
أصلك كدا دوبتيني
أمانه يا حب تصارحيني

بحبك بقالي سنين
من غير شكوى ولا أنين
ومش عارف أروح على فين
أمانه يا حب تصارحني

قلبي دايب فيك دوب
وصابر عمري ع المكتوب
اصل ربك رب قلوب
أمانه يا حب تصارحيني

يا ريت كنت انا قدرك
وبحري يكون بحرك
ومرساي يكون شطك
أمانه يا حب تصارحيني

بقلم ياسرعياد